31
फागुन १४, २०८२
नेपालको आदिवासी जनजाति समुदायमध्ये एक प्रमुख समुदाय मगर समुदायले हरेक वर्ष फागुन १५ गतेलाई राष्ट्रिय मगर एकता दिवसका रूपमा मनाउँदै आएका छन्। वि.सं. २०३९ साल फागुन १५ गते नेपाल मगर संघको स्थापना भएको सम्झनामा यो दिवस मनाउन सुरु गरिएको हो। यस वर्ष २०८२ फागुन १५ गते औं राष्ट्रिय मगर एकता दिवस मनाइँदैछ।
मगर समुदायको बाहुल्यता रहेको गुल्मी जिल्लाका स्थानीय तहहरूले यस दिवसको महत्वलाई आत्मसात गर्दै सार्वजनिक बिदा दिने निर्णय गरेका छन्। प्राप्त जानकारी अनुसार गुल्मीका १० वटा स्थानीय तहहरूले शुक्रबार (फागुन १५ गते) का लागि बिदाको सूचना जारी गरेका छन्।
यसका साथै कपिलवस्तुकाे बाणगंगा नगरपालिकाले पनि उक्त दिन बिदा दिने निर्णय नगरपालिकाबाट प्रकाशित सूचनामा उल्लेख भएकाे छ ।
स्थानीय सरकारले आफ्नो क्षेत्रको विशिष्ट सांस्कृतिक पहिचानलाई सम्मान गर्दै बिदा दिने यो कदमले संघीयताको मर्मलाई समेत आत्मसात गरेको देखिन्छ। यसले मगर समुदायको गौरवमय इतिहास र योगदानलाई राज्यस्तरबाटै सम्मान मिलेको अनुभूति गराएको यहाँका मगर समुदायले बताएका छन्।
